Lestrarskrivstovuleiðari - Fróðskaparsetur Føroya
FRÓÐSKAPARSETUR FØROYA

Spennandi starv sum Lestrarskrivstovuleiðari á Fróðskaparsetri Føroya er leyst at søkja.

Um starvið
Lestrarskrivstovan tekur sær av nógvum ymiskum fyrisitingarligum uppgávum í sambandi við lestur á Setrinum. Skrivstovan er partur av Setursskrivstovuni, og starvsfólkini samskifta og samstarva dagliga við lesandi og starvsfólk á øllum deildum á Setrinum.

Umframt at hava ábyrgd av at skipa dagliga virksemið á Lestrarskrivstovuni, verða fremstu uppgávur tínar m.a. at:

  • hava ábyrgd av upptøku og innleiðslu av nýggjum lesandi
  • samskipa prógvhandan
  • samskipa arbeiðið við at menna fyrisitingarliga partin av útbúgvingarvirkseminum á Setrinum
  • stuðla undir góðum lestrarlívi
  • vera við til at góðskutryggja skrásetingar og hagtøl yvir lesandi og útbúgvingar á Setrinum

Um teg
Vit ímynda okkum, at tú hevur universitetsútbúgving á kandidatstigi og viðkomandi royndir. Vit hava í væntu, at tú:

  • hevur áhuga og áræði at arbeiða við uppgávum innan fyrisiting
  • hevur góðar fyrisitingarligar førleikar
  • hevur góðan munnligan og skrivligan málkunnleika, serliga í føroyskum, donskum/norðurlendskum og enskum
  • hevur góð samstarvsevni, men dugir samstundis væl at arbeiða sjálvstøðugt
  • nært ásettum málum og trívist væl við nógvum ymiskum arbeiðsuppgávum
  • hevur jaligan hugburð og góð evni at samskifta við onnur
  • ert proaktiv/ur, jalig/ur og sært møguleikar fram um forðingar
  • hevur evni at tillaga teg til broyttar arbeiðsumstøður

Umsókn, freist og samband
Starvið er fulltíðarstarv og verður sett í samsvari við reglugerð fyri størv á Fróðskaparsetri Føroya. Løn og starvstreytir eru sambært sáttmála við avvarðandi fakfelag.

Umsókn, lívsrensl og viðkomandi skjøl skulu vera okkum í hendi í seinasta lagi 28. apríl 2019 og skulu sendast til umsokn@setur.fo. Starvið verður sett skjótast til ber.

Tú ert vælkomin at seta teg í samband við Johan Ísak Suna Hansen, fyrisitingarstjóra, á tel. 292504 ella JohanH@setur.fo fyri at fáa meiri at vita um starvið.
 

Stutt um Setrið: Fróðskaparsetur Føroya er í støðugum vøkstri, og alsamt fleiri velja at nema sær útbúgving á Setrinum. Fleiri enn 1000 lesandi og 140 starvsfólk hava sína dagligu gongd her og gera Setrið til eitt sera spennandi og fjølbroytt arbeiðspláss, sum er ein týðandi partur av menningini av føroyska samfelagnum. Les meira um Setrið á setur.fo.

 

 

 

 



FÁ FRÁBOÐAN
UM NÝGGJ STØRV

MELDA TIL
SEND OKKUM
STARVSLÝSING
TRÝST HER